رحله مع المزاج
عمرك مرة حاولت تعمل حاجة مش على مزاجك بس بمزاجك يعنى ما حدش غصبك عليها ... يعنى بتعملها وانت قرفان او مدايق بس مش غصب عنك... بتعملها لأنك لازم تعملها ومفيش حل تانى , بتعملها علشان ترضى ناس حواليك او علشان تساعد حد محتاجلك....او علشان حاجات تانيه كتيرة
...
طيب .. ايه بقى هيا المعايير اللى بتقيس بيها الحاجة اللى على مزاجك والحاجة اللى مش على مزاجك... عمرك فكرت قبل كدة فى المعايير دى......طيب بلاش دى عمرك فكرت ان ممكن المعايير دى اصلا تبقى غلط .. او انت بنفسك ممكن تعمل حاجة على مزاجك وبعد شويه تحس انها مش على مزاجك....
طيب ايه هيا بقى حكايه المزاج دى ؟ هو دة السؤال.....
ايه هو المزاج ... يعنى دة مرتبط بالعقل ولا بالقلب ولا بايه
بالظبط؟؟؟
فيه حاجات كتيرة ممكن تفكر بيها بعقلك تلاقيها حلوة بس مش على مزاجك.. وحاجات تانيه بتبقى على مزاجك بس العقل مش موافق عليها زى شرب السجاير او الخمور دى بتبقى طبعا حاجة على مزاجك, بس العقل ما بيبقاش موافق عليها...يبقى كدة نستبعد العقل من المزاج...
طب بالنسبه للقلب .. هل ممكن تحب واحد مش على مزاجك ولا انت اصلا ادام انت بتحبه يبقى هو على مزاجك واللى مش على مزاجك ما تحبوش.. ولا ممكن تقول انا بحب فلان بس فيه حاجة مخليانى ابعد عنه ...طب بلاش دى لو انت واحد بتاع دماغ ومزاجك عالى يعنى من الاخر خامورجى.. ولقيت واحد محترم اعجبت وحبيته ... الراجل دة مش على مزاجك بس انت بتحبه...انت مزاجك هو كل حاجة فى حياتك بس بردو بتحبه..يبقى بردو نستبعد القلب من المزاااااااااااج
طب بردو رجعنا لنفس السؤال ...ايه هو المزاج؟؟؟
يرى بعض العلماء ان المزاج انما هو مزيج من ثلاثه اشياء مؤثرة جدا .....
وهى الميول الفطريه التى فطرك الله عليها... والسمات الموروثه اللى بتاخدها من بابا وماما... وتأثيرات البيئه المحيطه من قيم وعادات وتقاليد....
معلش فى الاخر قلبت بغباوة...سورى بس المهم تكونو عرفتوا ايه اللى بيأثر فى مزاجتكوا .... وهل هنقدر نحكم عقلنا فيه ولا مش هنقدر وهل المزاج دة هيأثر علينا ونبقى ماشين تحت امر المزاج ... ولا ايه؟؟؟؟
سؤال الحلقة ... يا ريت ما تبصوش فوق وجاوبوا ....
كم مرة ذكرت كلمة مزاج فى الفقرة السابقة؟؟؟
جاوبوا يا حلويييييييين
الأحد 15 أغسطس 2010, 5:19 pm
